Miär suächet dich!

Du findsch Fasnacht, Party und kakaphonische Kläng absolut dä Hammer? Denn hemer scho mal öpis gmeinsam.

d'Mitgliedschaft i d'Hummelzunft cha vo jedem erworbä wärdä. Diä Persone verpflichtet sich aber, mindestens 2 Mönät im Jahr fasnachtsverruckt z'si (das döf selbstverständlich au zum Duurzuästand wärdä). d'Mitglieder sind aber nid gägä Unfall, Krankheit, Kater oder Alkoholvergiftige versichert. Allerdings sind üsi langjährige Mitglieder durch umfangriichs Training dägägä gschützt.

Falls du au Intressi hesch, bi üs mitzmachä und ä Vollhummler z'wärdä, denn füll das unterstehendi Kontaktformular us. Instrumentevorkenntniss sind nid nötig, Mindestalter isch 14ni.